ಹೊಸದಿಲ್ಲಿ : ನರೇಂದ್ರ ಮೋದಿ ಅವರು ದಾಖಲೆಯ ಮೂರನೇ ಬಾರಿಗೆ ಪ್ರಧಾನ ಮಂತ್ರಿಯಾಗಿ ಪ್ರಮಾಣ ವಚನ ಸ್ವೀಕರಿಸಲು ಕೆಲವೇ ಗಂಟೆಗಳು ಮಾತ್ರ ಉಳಿದಿದೆ. ರಾಷ್ಟ್ರಪತಿ ಭವನದಲ್ಲಿ ಭಾನುವಾರ ಸಂಜೆ 7.15ಕ್ಕೆ ಮೋದಿ ಪದಗ್ರಹಣ ನಡೆಯಲಿದೆ. ಇದರ ಬೆನ್ನಲ್ಲೇ ಮೋದಿ 3.0 ಕ್ಯಾಬಿನೆಟ್‌ ಅನ್ನು ಯಾರು ಸೇರುತ್ತಾರೆ ಎಂಬ ಚರ್ಚೆ ಜೋರಾಗಿ ನಡೆಯುತ್ತಿದೆ. ಈ ಸಲ ಬಿಜೆಪಿ ಸ್ಪಷ್ಟ ಬಹುಮತ ಪಡೆಯದೇ ಇರುವುದರಿಂದ ಸರ್ಕಾರ ರಚನೆಗೆ ಮಿತ್ರಪಕ್ಷಗಳನ್ನು ಅವಲಂಭಿಸಿರುವುದರಿಂದ ಮೋದಿ ಸಚಿವ ಸಂಪುಟ ಹಲವು ಅಚ್ಚರಿಗೆ ಕಾರಣವಾಗಬಹುದು ಎನ್ನಲಾಗಿದೆ.
ಟಿಡಿಪಿ ಹಾಗೂ ಜೆಡಿಯು ಪ್ರಮುಖ ಮಿತ್ರಪಕ್ಷಗಳು ಆಗಿರುವುದರಿಂದ ಅವರಿಗೆ ತುಸು ಹೆಚ್ಚಿನ ಸಚಿವ ಸ್ಥಾನ ನೀಡಬೇಕಿದೆ. ಅದಲ್ಲದೇ ಖಾತೆ ಹಂಚಿಕೆ ಕೂಡ ಸ್ಪಲ್ಪ ಸವಾಲು ಆಗಿರಲಿದೆ. ಸದ್ಯದ ಮಾಹಿತಿ ಪ್ರಕಾರ ಲಖನೌ ಲೋಕಸಭಾ ಕ್ಷೇತ್ರದಿಂದ ಗೆದ್ದಿರುವ ಬಿಜೆಪಿಯ ಹಿರಿಯ ನಾಯಕ ರಾಜನಾಥ್‌ ಸಿಂಗ್‌ ಅವರು ರಕ್ಷಣಾ ಸಚಿವರಾಗಿಯೇ ಮುಂದುವರಿಯುವುದು ಬಹುತೇಕ ಖಚಿತವಾಗಿದೆ. ಇನ್ನು, ಅಮಿತ್‌ ಶಾ ಕೇಂದ್ರ ಗೃಹ ಸಚಿವರಾಗಿಯೇ ಮುಂದುವರಿಯುವ ನಿರೀಕ್ಷೆ ಇದ್ದು, ನಿತಿನ್‌ ಗಡ್ಕರಿ ಅವರು ಕೂಡ ಹಿಂದಿನ ಖಾತೆಯಲ್ಲಿಯೇ ಮುಂದುವರಿಯಬಹುದು ಎಂದು ಮೂಲಗಳು ತಿಳಿಸಿವೆ.
ಈ ಬಾರಿ ಹಣಕಾಸು ಸಚಿವರು ಬದಲಾಗಬಹುದು ಎನ್ನಲಾಗಿದ್ದು, ನಿರ್ಮಲಾ ಸೀತಾರಾಮನ್‌ ಅವರ ಬದಲಿಗೆ ಪಿಯೂಷ್‌ ಗೋಯಲ್‌ ವಿತ್ತ ಸಚಿವರಾಗುವ ನಿರೀಕ್ಷೆ ಇದೆ. ವಿದೇಶಾಂಗ ಸಚಿವರಾಗಿ ಕೂಡ ಎಸ್‌ ಜೈಶಂಕರ್‌ ಮುಂದುವರಿಯಬಹುದು ಎನ್ನಲಾಗಿದೆ. ಮಧ್ಯಪ್ರದೇಶದ ಮಾಜಿ ಸಿಎಂ ಶಿವರಾಜ್‌ ಸಿಂಗ್‌ ಚೌಹಾಣ್‌ ಕೂಡ ಕ್ಯಾಬಿನೆಟ್‌ ಸೇರುವ ನಿರೀಕ್ಷೆ ಹೆಚ್ಚಿದೆ. ಮಾಜಿ ಸಿಎಂ ಎಚ್‌ಡಿ ಕುಮಾರಸ್ವಾಮಿ ಅವರು ಮೋದಿ ಟೀಂ ಸೇರುವ ಸಾಧ್ಯತೆ ಹೆಚ್ಚಿದ್ದು, ಕೃಷಿ ಖಾತೆ ಇವರಿಗೆ ಸಿಗಬಹುದು ಎನ್ನಲಾಗುತ್ತಿದೆ. ಜೊತೆಗೆ ಚಿರಾಗ್‌ ಪಾಸ್ವಾನ್‌ ಕೂಡ ಮೋದಿ ಟೀಂನಲ್ಲಿ ಇರಲಿದ್ದಾರೆ ಎನ್ನಲಾಗಿದೆ.
ಮೂಲಗಳ ಪ್ರಕಾರ ಎನ್‌ಡಿಎ ಒಕ್ಕೂಟದ ಬಿಜೆಪಿ ಮಿತ್ರಪಕ್ಷಗಳಿಗೆ ಪ್ರಮುಖ ಖಾತೆಗಳನ್ನು ನೀಡಲಾಗುತ್ತದೆ ಎಂದು ಹೇಳಲಾಗುತ್ತಿದೆ. ನರೇಂದ್ರ ಮೋದಿ ಸಂಪುಟ ಸೇರುವ ರೇಸ್‌ನಲ್ಲಿ ಈ ಕೆಳಗಿನವರು ಇದ್ದು, ಆ ಪಟ್ಟಿಯನ್ನು ರಾಜ್ಯವಾರು ಇಲ್ಲಿ ನೀಡಲಾಗಿದೆ.
ಕರ್ನಾಟಕ
* ಎಚ್‌ಡಿ ಕುಮಾರಸ್ವಾಮಿ – ಜೆಡಿಎಸ್‌
* ಪ್ರಹ್ಲಾದ್‌ ಜೋಶಿ
* ಬಸವರಾಜ ಬೊಮ್ಮಾಯಿ
* ಗೋವಿಂದ ಕಾರಜೋಳ
* ಪಿಸಿ ಮೋಹನ್‌
ಉತ್ತರ ಪ್ರದೇಶ
* ರಾಜನಾಥ್‌ ಸಿಂಗ್‌
* ಅನುಪ್ರಿಯಾ ಪಟೇಲ್‌
* ಜಯಂತ್‌ ಚೌಧರಿ
ಬಿಹಾರ
* ಲಲನ್‌ ಸಿಂಗ್‌ – ಜೆಡಿಯು
* ಸಂಜಯ್‌ ಕುಮಾರ್‌ ಝಾ – ಜೆಡಿಯು
* ರಾಮನಾಥ್‌ ಠಾಕೂರ್‌ – ಜೆಡಿಯು
* ಸುನೀಲ್‌ ಕುಮಾರ್‌ – ಜೆಡಿಯು
* ಕೌಶಲೇಂದ್ರ ಲುಮಾರ್ – ಜೆಡಿಯು
* ಜೀತನ್‌ ರಾಮ್‌ ಮಾಂಝಿ – ಎಚ್‌ಎಎಮ್‌
* ಜಿತೀನ್‌ ಪ್ರಸಾದ್‌ – ಬಿಜೆಪಿ
* ನಿತ್ಯಾನಂದ ರಾಯ್‌ – ಬಿಜೆಪಿ
* ರಾಜೀವ್‌ ಪ್ರತಾಪ್‌ ರೆಡ್ಡಿ – ಬಿಜೆಪಿ
* ಸಂಜಯ್‌ ಜೈಸ್ವಾಲ್‌ – ಬಿಜೆಪಿ
* ಚಿರಾಗ್‌ ಪಾಸ್ವಾನ್‌
ಮಹಾರಾಷ್ಟ್ರ
* ಪ್ರತಾಪ್‌ರಾವ್‌ ಜಾಧವ್‌
* ಶ್ರೀರಂಗ್‌ ಬರ್ನೆ
* ನಿತೀನ್‌ ಗಡ್ಕರಿ
* ಪಿಯೂಷ್‌ ಗೋಯಲ್‌
ಮಧ್ಯಪ್ರದೇಶ
* ಜ್ಯೋತಿರಾಧಿತ್ಯ ಸಿಂಧಿಯಾ
* ಶಿವರಾಜ್‌ ಸಿಂಗ್‌ ಚೌಹಾಣ್‌
ತೆಲಂಗಾಣ
* ಕಿಶನ್‌ ರೆಡ್ಡಿ
* ಈತಲ್‌ ರಾಜೇಂದರ್‌
* ಡಿಕೆ ಅರುಣ
* ಡಿ ಅರವಿಂದ್‌
* ಬಂಡಿ ಸಂಜಯ್‌
ಒಡಿಶಾ
* ಧರ್ಮೆಂದ್ರ ಪ್ರಧಾನ್‌
* ಮನಮೋಹನ್‌ ಸಮಾಲ್‌
ರಾಜಸ್ಥಾನ
* ಗಜೇಂದ್ರ ಸಿಂಗ್‌ ಶೇಖಾವತ್‌
* ದುಶ್ಯಂತ್‌ ಸಿಂಗ್‌
ಕೇರಳ
* ಸುರೇಶ್‌ ಗೋಪಿ
* ಪಶ್ಚಿಮ ಬಂಗಾಳ
* ಶಂತನು ಠಾಕೂರ್‌
ಆಂಧ್ರಪ್ರದೇಶ
* ದಗ್ಗುಬಾಟಿ ಪುರಂದೇಶ್ವರಿ
* ಕಿಂಜರಾಪು ರಾಮ ಮೋಹನ್‌ ನಾಯ್ಡು
* ಪೆಮ್ಮಸಾನಿ ಚಂದ್ರಶೇಖರ್‌
* ವೆಮಿರೆಡ್ಡಿ ಪ್ರಭಾಕರ್‌ ರೆಡ್ಡಿ
ಜಮ್ಮು
* ಜಿತೇಂದ್ರ ಸಿಂಗ್‌
* ಜುಗಲ್‌ ಕಿಶೋರ್‌ ಶರ್ಮಾ
ಈಶಾನ್ಯ ರಾಜ್ಯಗಳು
* ಸರ್ಬಾನಂದ ಸೋನೋವಾಲಾ
* ಬಿಜುಲಿ ಕಲಿತಾ ಮೇದಿ
* ಕಿರಣ್‌ ರಿಜೀಜು
* ಬಿಪ್ಲಬ್‌ ದೇವ್‌
