ತುಮಕೂರು: ಎಂಎಲ್ಸಿ ರಾಜೇಂದ್ರ ಹತ್ಯೆಗೆ ಸುಪಾರಿ ನೀಡಲಾಗಿದೆ ಎಂಬ ವಿಚಾರಕ್ಕೆ ಸಂಬಂಧಿಸಿದಂತೆ ದಿನ ಕಳೆದಂತೆ ಹೊಸ ಹೊಸ ಮಾಹಿತಿ ಹೊರಬೀಳುತ್ತಿವೆ. ಅದರಂತೆ ಈಗ ಸುಪಾರಿ ಸಂಚಿನ ಇಂಚಿಂಚು ಮಾಹಿತಿಯ ಆಡಿಯೋ ವೈರಲ್‌ ಆಗಿದ್ದು, ಇದೇ ಆಡಿಯೋದಿಂದ ಸುಪಾರಿ ಸಂಚು ಹೊರಬಿದ್ದಿದೆ.
ಹೌದು, ಈ ಆಡಿಯೋದಿಂದಲೇ ಕೊಲೆ ಸುಪಾರಿ ಸಂಚು ಬಯಲಿಗೆ ಬಂದಿದೆ. ಕೊಲೆ ಸುಪಾರಿಯ ವಿಚಾರ ರಾಜೇಂದ್ರಗೆ ತಿಳಿದಿದ್ದೇ ಈ ಆಡಿಯೋದಿಂದ ಎಂದು ತಿಳಿದುಬಂದಿದೆ. ದೂರಿನಲ್ಲಿ ಈ ಬಗ್ಗೆ ಉಲ್ಲೇಖಿಸಿ ಪೆನ್ ಡ್ರೈವ್ ನಲ್ಲಿ ನೀಡಿದ್ದ ಆಡಿಯೋ ಲಭ್ಯವಾಗಿದೆ. ರಾಜೇಂದ್ರ ಹತ್ಯೆಗೆ ಸುಪಾರಿ ಬಗ್ಗೆ ಆಡಿಯೋದಲ್ಲಿ ಮಹಿಳೆ ಇಂಚಿಂಚೂ ಮಾಹಿತಿ ವಿವರಿಸಿದ್ದಾರೆ.
ಆಡಿಯೋ ಆಧರಿಸಿ ದೂರು
ಇದೇ ಮಹಿಳೆಯ ಆಡಿಯೋ ಆಧರಿಸಿ ದೂರನ್ನು ಎಂಎಲ್ಸಿ ರಾಜೇಂದ್ರ ದೂರು ನೀಡಿದ್ದಾರೆ. ಡಿಸೆಂಬರ್ ನಲ್ಲಿ ಪುಷ್ಪ ಹಾಗೂ ರಾಕಿ ಎನ್ನುವವರ ನಡುವೆ ನಡೆದ ಸಂಭಾಷಣೆಯ ಆಡಿಯೋ ಇದಾಗಿದೆ. ಪ್ರಕರಣದ ಎ1 ಆರೋಪಿ ಸೋಮನ ಪ್ಲಾನ್ ಬಗ್ಗೆ ಇಂಚಿಂಚು ಮಾಹಿತಿಯನ್ನು ಆ ಮಹಿಳೆ ವಿವರಿಸಿದ್ದಾರೆ.
ಆರೋಪಿ ಜೈಪುರ ಸೋಮನಿಗೆ ಪರಿಚಯಸ್ಥಳಾಗಿದ್ದ ಈ ಮಹಿಳೆಗೆ ಎಲ್ಲಾ ವಿಚಾರ ತಿಳಿಸಿದ್ದು, ರಾಜೇಂದ್ರರನ್ನ ಹತ್ಯೆ ಮಾಡಲು ಸುಪಾರಿ ಪಡೆದಿರೋದಾಗಿ ಪುಷ್ಪಾಳ ಬಳಿ ಸೋಮ ಹೇಳಿಕೊಂಡಿದ್ದನಂತೆ. ಆ ಬಳಿಕ ಸುಪಾರಿಯ ಬಗ್ಗೆ ಹೆಚ್ಚಿನ ಮಾಹಿತಿ ಕಲೆಹಾಕಿದ್ದ ಪುಷ್ಪ, ಸೋಮನ ಜೊತೆಗಿದ್ದುಕೊಂಡೇ ಇದೆಲ್ಲವನ್ನೂ ಮಾಡಿದ್ದಾಳೆ.
ಬಳಿಕ ಕೊಲೆ ಸಂಚಿನ ವಿಚಾರವನ್ನ ರಾಜೇಂದ್ರ ಅವರಿಗೆ ತಿಳಿಸಿದ್ದಾಳೆ. ರಾಜೇಂದ್ರ ಗೆ ವಿಚಾರ ಮುಟ್ಟಿಸಲು ರಾಕಿ ಎನ್ನುವ ಹುಡುಗನನ್ನ ಪುಷ್ಪ ಬಳಕೆ ಮಾಡಿಕೊಂಡಿದ್ದಳಂತೆ. ಈ ಸಮಯದಲ್ಲಿ ಕೊಲೆ ಸಂಚಿನ ಬಗ್ಗೆ ಪುಷ್ಪ ಹೇಳಿದ್ದನ್ನ ತನ್ನ ಮೊಬೈಲ್ ನಲ್ಲಿ ರಾಕಿ ರೆಕಾರ್ಡ್‌ ಮಾಡಿಕೊಂಡಿದ್ದಾನೆ.
ಬಳಿಕ ರಾಜೇಂದ್ರಗೆ ಈ ಆಡಿಯೋ ತಲುಪಿಸಿದ್ದಾನೆ. ಆಡಿಯೋ ಕೇಳಿ ಶಾಕ್ ಆದ ರಾಜೇಂದ್ರ, ತಕ್ಷಣವೇ ಅಲರ್ಟ್‌ ಆಗಿದ್ದಾರೆ. ಆಡಿಯೋದಲ್ಲಿನ ಹತ್ಯೆಯ ಸಂಚಿನ ಬಗ್ಗೆ ತಿಳಿದು ಎಂಎಲ್ಸಿ ರಾಜೇಂದ್ರ ದೂರು ಸಲ್ಲಿಕೆ ಮಾಡಿದ್ದಾರೆ. ಇದೇ ಆಡಿಯೋ ಬೆನ್ನತ್ತಿ ಪೊಲೀಸರು ತನಿಖೆ ಮುಂದುವರೆಸಿದ್ದಾರೆ.
ಐವರ ಮೇಲೆ ಪ್ರಕರಣ
ಆಡಿಯೋದಲ್ಲಿ ಆರೋಪಿ ಸೋಮ,ಭರತ್,ಅಮಿತ್,ಗುಂಡಾ,ಯತೀಶ್ ಹೆಸರು ಉಲ್ಲೇಖ ಮಾಡಲಾಗಿದೆ. ಐವರ ಮೇಲೆ ಈಗಾಗಲೇ ಪ್ರಕರಣ ದಾಖಲಿಸಿಕೊಂಡು ಪೊಲೀಸರು ತನಿಖೆ ಮುಂದುವರೆಸಿದ್ದಾರೆ. ಹಾಗೆಯೇ ಪುಷ್ಪ ಬಳಿ ಎಲ್ಲಾ ಮಾಹಿತಿಯನ್ನು ಪೊಲೀಸರು ಕಲೆ ಹಾಕಿದ್ದಾರೆ.
ಇನ್ನು ರಾಜೇಂದ್ರ ಮಗಳ ಬರ್ತ್‌ಡೇ ಡೆಕೋರೇಷನ್ ಗೆ ಜೈಪುರದ ಇಬ್ಬರು ಹುಡುಗರು ಬಂದಿದ್ದು, ಆ ಇಬ್ಬರನ್ನೂ ಸಹ ಸೋಮ ಕಳುಹಿಸಿದ್ದ ಎಂದು ಪುಷ್ಪ ಹೇಳಿದ್ದಾಳೆ. ನವೆಂಬರ್ ನಲ್ಲಿ ರಾಜೇಂದ್ರ ಅವರ ಹಿರಿಯ ಮಗಳ ಜನ್ಮದಿನ ನಡೆದಿತ್ತು. ಈ ಬಗ್ಗೆಯೂ ಆಡಿಯೊದಲ್ಲಿ ಮಾಹಿತಿ ನೀಡಲಾಗಿದೆ.
ಸೋಮನಿಗೆ 5 ಲಕ್ಷ ಹಣ ಬಂದಿರೋದು ಸತ್ಯ ಸತ್ಯ ಸತ್ಯ ಎನ್ನುವ ಪುಷ್ಪ ಒತ್ತಿ ಒತ್ತಿ ಹೇಳಿದ್ದಾಳೆ. ಜೈಪುರದ ಮತ್ತೋರ್ವ ರೌಡಿಶೀಟರ್ ಪ್ರಸ್ಸಿಯನ್ನೂ ಸಹ ಮರ್ಡರ್ ಮಾಡೋದಾಗಿ ಸೋಮ ಹೇಳಿದ್ದಾನೆ . ಇದರ ಬಗ್ಗೆ ಪ್ರಸ್ಸಿ ಅಣ್ಣನ ಬಳಿ ನಾನೆ ಹೋಗಿ ಎಲ್ಲವನ್ನೂ ಹೇಳ್ತೀನಿ ಎಂದು ಆಡಿಯೋದಲ್ಲಿ ಪುಷ್ಪ ಹೇಳಿರುವುದನ್ನು ಆಲಿಸಬಹುದಾಗಿದೆ.
ಆಟೋದಲ್ಲೇ ಮಾತನಾಡಿಕೊಂಡಿದ್ದರಂತೆ
ಆಟೋದಲ್ಲಿ ಸೋಮನ ಹುಡುನೋರ್ವನ ಜೊತೆ ತೆರಳುವಾಗ ಪುಷ್ಪ ಮತ್ತಷ್ಟು ಮಾಹಿತಿ ಕಲೆ ಹಾಕಿದ್ದಾಳೆ. ಈ ವೇಳೆ ಪುಷ್ಪಾಳ ಜೊತೆ ಇನ್ನು ಇಬ್ಬರು ಹುಡುಗರು ಆಟೋದಲ್ಲಿ ಪ್ರಯಾಣ ಮಾಡುತ್ತಿದ್ದರಂತೆ. ಪುಷ್ಪಾಳನ್ನ ಸರಿಯಾಗಿ ಗಮನಿಸದೇ ವಾಟ್ಸಪ್ ಕಾಲ್ ಗಳಲ್ಲಿ ಈ ಬಗ್ಗೆ ಅವರು ಮಾತನಾಡಿಕೊಂಡಿದ್ದಾರೆ.
ಕೆಎನ್ ರಾಜಣ್ಣ ಮಗನನ್ನ ಎತ್ತೋಕೆ ಪ್ಲಾನ್ ಮಾಡಿ ಮಾತನಾಡಿಕೊಂಡಿದ್ದಾರೆ. ಎಣ್ಣೆ ತೆಗೆದುಕೊಂಡಿದ್ದೀನಿ,ಕಬಾಬ್,ಫಿಶ್ ತೆಗೆದುಕೊಂಡು ಬಾ ಎಂದು ಸೋಮನ ಹುಡುಗರು ಮಾತನಾಡಿದ್ದರು, ಆಟೋದಲ್ಲಿ ಹೋಗೋ ವೇಳೆ ವಾಟ್ಸಪ್ ಕಾಲ್ ನಲ್ಲಿ ಈ ಎಲ್ಲಾ ವಿಷಯ ಮಾತನಾಡಿದ್ದಾರೆ ಎಂದು ಆಡಿಯೋದಲ್ಲಿ ವಿವರಿಸಿದ್ದಾಳೆ.
ಸಾರ್ವಜನಿಕರೇ ಗಮನಿಸಿ : ನಾಳೆಯಿಂದ ಬದಲಾಗಲಿದೆ ಈ 8 ಪ್ರಮುಖ ಹಣಕಾಸು ನಿಯಮಗಳು…
