Greater Bengaluru News9: ಅನ್ನದಾತರ ಬಾಳಿನಲ್ಲಿ ಬೆಳಕು ಮೂಡಿಸಬೇಕಾದ ಸೌರ ವಿದ್ಯುತ್ ಯೋಜನೆಯನ್ನೇ ಭ್ರಷ್ಟರು ತಮ್ಮ ಕಮಿಷನ್ ದಂಧೆಯ ತಾಣವನ್ನಾಗಿ ಮಾರ್ಪಡಿಸಿಕೊಂಡಿದ್ದಾರೆ. ನಂಜನಗೂಡಿನಲ್ಲಿ ರೈತರ ಜಮೀನುಗಳಿಗೆ ‘ಕುಸುಮ್’ ಸೌರ ಪಂಪ್ಸೆಟ್ ಅಳವಡಿಸುವ ಸತ್ಕಾರ್ಯಕ್ಕೆ ಕೈಹಾಕಲು ಮುಗ್ಧ ಗುತ್ತಿಗೆದಾರನ ರಕ್ತಹೀರುತ್ತಿದ್ದ ಇಬ್ಬರು ಕಾಳ ಧನದ ತಿಮಿಂಗಿಲಗಳು ಕೊನೆಗೂ ಲೋಕಾಯುಕ್ತರ ಬಲೆಗೆ ಬಿದ್ದಿವೆ. ಸರ್ಕಾರದ ಅನುದಾನ ಹಾಗೂ ರೈತರ ಕಣ್ಣೀರನ್ನು ಬಂಡವಾಳ ಮಾಡಿಕೊಂಡು ಕಾಸು ಕೀಳುತ್ತಿದ್ದ ಈ ಅಧಿಕಾರಿಗಳ ವಿಕೃತ ಆಟಕ್ಕೆ ಬ್ರೇಕ್ ಬಿದ್ದಿದೆ.
ನಂಜನಗೂಡು ನಗರ ವಿಭಾಗದಲ್ಲಿ ಎಇಇ ಆಗಿ ಮೆರೆಯುತ್ತಿದ್ದ ದೇವರಾಜಯ್ಯ ಮತ್ತು ಆತನ ಕೈಗೊಂಬೆಯಂತಿದ್ದ ಕಿರಣ್ ಕುಮಾರ್ ನಡೆಸಿದ ಹಣದ ಆಟ ಅತಿರೇಕಕ್ಕೆ ಹೋಗಿತ್ತು. ಕಚೇರಿಯಲ್ಲೇ ಕುಳಿತು ದರ್ಪ ಮೆರೆಯುತ್ತಿದ್ದ ಈ ಖದೀಮರು, ಸೋಲಾರ್ ಪಂಪ್ಸೆಟ್ ಅಳವಡಿಕೆ ಕೆಲಸ ಮಾಡಿಕೊಡಲು ಗುತ್ತಿಗೆದಾರ ನಟರಾಜು ಅವರಿಂದ ಸುಲಿಗೆ ಮಾಡಲು ಮುಂದಾಗಿದ್ದರು. ದೇವರಾಜಯ್ಯ 15 ಸಾವಿರ ರೂಪಾಯಿ ಹಾಗೂ ಕಿರಿಯ ಕಿರಣ್ ಕುಮಾರ್ 5 ಸಾವಿರ ರೂಪಾಯಿ ಸೇರಿ ಒಟ್ಟು 20 ಸಾವಿರ ರೂಪಾಯಿ ಲಂಚದ ಹಣವನ್ನು ಪಡೆದು ಕಿಸೆಗೆ ಇಳಿಸಿಕೊಳ್ಳುತ್ತಿದ್ದಾಗ ಲೋಕಾಯುಕ್ತ ಬಲೆಯಲ್ಲಿ ನಕ್ಕಾಪತನರಾಗಿದ್ದಾರೆ.
ಲಂಚಕೋರ ಅಧಿಕಾರಿಗಳ ಅಕ್ರಮ ವಸೂಲಿಯ ವಾಸನೆ ಹತ್ತಿಸಿಕೊಂಡ ಲೋಕಾಯುಕ್ತ ಎಸ್ಪಿ ಉದೇಶ್ ಅವರ ನೇತೃತ್ವದ ತಂಡವು ಹದ್ದಿನ ಕಣ್ಣಿಟ್ಟಿತ್ತು. ಖಚಿತ ಮಾಹಿತಿ ಹಾಗೂ ಪೂರ್ವಯೋಜಿತ ದಾಳಿಯ ಮೂಲಕ ಕಚೇರಿಯ ಮೇಲೆಯೇ ಮುಗಿಬಿದ್ದ ಲೋಕಾಯುಕ್ತ ಸಿಬ್ಬಂದಿ, ಲಂಚದ ನೋಟುಗಳ ಸಮೇತ ಇಬ್ಬರೂ ಭ್ರಷ್ಟ ಎಂಜಿನಿಯರ್‌ಗಳನ್ನು ಕೈಯಾರೆ ಹೆಡೆಮುರಿ ಕಟ್ಟಿದ್ದಾರೆ. ಅಧಿಕಾರಿಗಳ ದಿಢೀರ್ ಎಂಟ್ರಿಯಿಂದ ಬೆಚ್ಚಿಬಿದ್ದ ಲಂಚಕೋರರು ತಪ್ಪಿಸಿಕೊಳ್ಳಲು ನಡೆಸಿದ ಹೈಡ್ರಾಮಾ ಸಂಪೂರ್ಣ ವಿಫಲವಾಗಿದ್ದು, ರೆಡ್ ಹ್ಯಾಂಡ್ ಆಗಿ ಸಿಕ್ಕಿಬಿದ್ದು ಕಂಗಾಲಾಗಿದ್ದಾರೆ.
ಸದ್ಯ ವಶಕ್ಕೆ ಪಡೆದಿರುವ ಇಬ್ಬರು ಎಂಜಿನಿಯರ್‌ಗಳನ್ನು ಲೋಕಾಯುಕ್ತ ಅಧಿಕಾರಿಗಳು ತೀವ್ರ ವಿಚಾರಣೆಗೆ ಒಳಪಡಿಸಿದ್ದು, ಕಚೇರಿಯ ಮೂಲೆಮೂಲೆಗಳಲ್ಲಿ ಶೋಧ ನಡೆಸಿ ದಾಖಲೆಗಳನ್ನು ಜಾಲಾಡುತ್ತಿದ್ದಾರೆ. ರೈತರ ಕಲ್ಯಾಣಕ್ಕಾಗಿ ಮೀಸಲಾದ ಯೋಜನೆಗಳಲ್ಲೇ ಕೈಯಾಡಿಸಿ, ಲಂಚಕ್ಕಾಗಿ ಕೈಚಾಚುವ ಇಂತಹ ಹೇಡಿತನದ ಅಧಿಕಾರಿಗಳಿಗೆ ಕಠಿಣ ಶಿಕ್ಷೆಯಾಗಬೇಕೆಂಬ ಒತ್ತಡ ಸಾರ್ವಜನಿಕ ವಲಯದಲ್ಲಿ ತೀವ್ರಗೊಂಡಿದೆ. ಭ್ರಷ್ಟಾಚಾರದ ಮಡುವಿನಲ್ಲಿ ಮುಳುಗಿರುವ ಇಲಾಖೆಗಳಿಗೆ ಈ ದಾಳಿಯ ಮೂಲಕ ಲೋಕಾಯುಕ್ತರು ಬಲವಾದ ಎಚ್ಚರಿಕೆ ಸಂದೇಶ ರವಜಿಸಿದ್ದಾರೆ.
ಒಂದೇ ದಿನ ಬಿಗ್ ಬಾಸ್ ಭರ್ಜರಿ ಬೇಟೆ: 8 ಮಂದಿ ಔಟ್, 6 ಎಲಿಮಿನೇಟ್, ಇಬ್ಬರಿಗೆ ಸೀಕ್ರೆಟ್ ರೂಮ್ ಅದೃಷ್ಟ!
