ಬೆಂಗಳೂರು ಮೆಟ್ರೋ (ನಮ್ಮ ಮೆಟ್ರೋ) ಬೃಹತ್ ವಿಸ್ತರಣೆಯ ಹಾದಿಯಲ್ಲಿ ಮತ್ತೊಂದು ಮಹತ್ವದ ಹೆಜ್ಜೆಯನ್ನಿಟ್ಟಿದೆ. ಇದುವರೆಗೆ ನಗರದ ಒಳಾಂಗಣ ಸಂಪರ್ಕಕ್ಕೆ ಸೀಮಿತವಾಗಿದ್ದ ನಮ್ಮ ಮೆಟ್ರೋ ಈಗ ಅಂತರ ಜಿಲ್ಲಾ ಸಂಪರ್ಕದತ್ತ ಗಮನ ಹರಿಸುತ್ತಿದ್ದು, ತುಮಕೂರಿಗೆ ಮೆಟ್ರೋ ಸಂಪರ್ಕ ಕಲ್ಪಿಸುವ ಮಹತ್ವದ ಯೋಚನೆ ರಾಜ್ಯ ಸರ್ಕಾರದ ಮಟ್ಟದಲ್ಲಿ ಚರ್ಚೆಯಾಗುತ್ತಿದೆ. ಇದರಿಂದ, ಬೆಂಗಳೂರು–ತುಮಕೂರು ನಡುವೆ ಸಾರಿಗೆ ವ್ಯವಸ್ಥೆಯಲ್ಲಿ ಕ್ರಾಂತಿಕಾರಿ ಬದಲಾವಣೆ ಸಾಧ್ಯವಾಗಲಿದ್ದು, ದಕ್ಷಿಣ ಕರ್ನಾಟಕದ ಭವಿಷ್ಯದ ಆರ್ಥಿಕ ಬೆಳವಣಿಗೆಗೆ ಹೊಸ ದಿಕ್ಕು ನೀಡಲಿದೆ.
ಈ ಕುರಿತು ರಾಜ್ಯದ ಗೃಹ ಸಚಿವರು ಹಾಗೂ ತುಮಕೂರು ಜಿಲ್ಲಾ ಉಸ್ತುವಾರಿ ಸಚಿವರಾದ ಡಾ. ಜಿ. ಪರಮೇಶ್ವರ್ ಸ್ಪಷ್ಟನೆ ಕೊಟ್ಟಿದ್ದಾರೆ.
ಮೆಟ್ರೋ ಮತ್ತು ಸಬ್‌ಅರ್ಬನ್ ರೈಲು: ರಾಜ್ಯ ಸರ್ಕಾರದ ಮಹತ್ವದ ಚಿಂತನೆ
ಸದಾಶಿವನಗರದ ತಮ್ಮ ಗೃಹ ಕಚೇರಿಯಲ್ಲಿ ಮಾಧ್ಯಮ ಪ್ರತಿನಿಧಿಗಳೊಂದಿಗೆ ಮಾತನಾಡಿದ ಡಾ. ಪರಮೇಶ್ವರ, ತುಮಕೂರಿಗೆ ಮೆಟ್ರೋ ಹಾಗೂ ಸಬ್‌ಅರ್ಬನ್ ರೈಲು ಯೋಜನೆಗಳ ಕುರಿತಂತೆ ಸರ್ಕಾರದ ಉದ್ದೇಶವನ್ನು ಹಂಚಿಕೊಂಡಿದ್ದಾರೆ. ಈ ಕುರಿತು ಭವಿಷ್ಯದಲ್ಲಿ ನಿರ್ಧಾರವಾಗಲಿದ್ದು, ಎರಡೂ ಯೋಜನೆಗಳನ್ನು ಒಂದೇ ವೇಳೆಯಲ್ಲಿ ಪರಿಗಣಿಸಲಾಗುತ್ತಿದೆ ಎಂದು ತಿಳಿಸಿದ್ದಾರೆ.
ತುಮಕೂರು ಈಗ ಒಂದು ವೇಗವಾಗಿ ವಿಸ್ತಾರವಾಗುತ್ತಿರುವ ಕೈಗಾರಿಕಾ ನಗರವಿದು. ಇಲ್ಲಿನ 20,000 ಎಕರೆಯ ಕೈಗಾರಿಕಾ ವಲಯ ಕ್ಷೇತ್ರವಾಗಿ ರೂಪುಗೊಳ್ಳುತ್ತಿರುವುದರಿಂದ, ಸುಮಾರು ನೂರಾರು ಉದ್ಯಮ, ತಂತ್ರಜ್ಞಾನ ಮತ್ತು ಇತರ ಬಂಡವಾಳ ಹೂಡಿಕೆಗಳು ಬೆಳವಣಿಗೆಯ ಹಾದಿಯಲ್ಲಿ ಸಾಗಿವೆ.
ತುಮಕೂರು ಬೆಂಗಳೂರು ನಗರದಿಂದ ಕೇವಲ 70 ಕಿ.ಮೀ ದೂರದಲ್ಲಿದೆ. ಈ ನಿಟ್ಟಿನಲ್ಲಿ Greater Bengaluru ವ್ಯಾಪ್ತಿಗೆ ತುಮಕೂರನ್ನು ಸೇರಿಸಬೇಕೆಂಬ ಚಿಂತನೆಯೂ ಇತ್ತು. ಈ ಮೂಲಕ ಯೋಜಿತ ಅಭಿವೃದ್ದಿಗೆ ಅನುಕೂಲವಾಗುತ್ತದೆ ಎಂದು ಡಾ. ಪರಮೇಶ್ವರ್ ಅವರು ಅಭಿಪ್ರಾಯಪಟ್ಟಿದ್ದಾರೆ.
ಇನ್ನು, ಇದೇ ಸಂದರ್ಭದಲ್ಲಿ ತುಮಕೂರು ನಗರದ ಪ್ರವೇಶದ್ವಾರದಲ್ಲಿ ಸ್ವಾಗತ ಕಮಾನು ನಿರ್ಮಿಸುವ ಯೋಜನೆಯ ಬಗ್ಗೆಯೂ ಚರ್ಚೆ ಮಾಡಿದ್ದಾರೆ. ಈ ಕುರಿತು ಕೇಂದ್ರದ ರೈಲ್ವೆ ಮತ್ತು ಜಲಶಕ್ತಿ ಖಾತೆಯ ರಾಜ್ಯ ಸಚಿವ ವಿ. ಸೋಮಣ್ಣ ಅವರಿಗೆ ಮನವಿ ಸಲ್ಲಿಸಿರುವುದಾಗಿ ಗೃಹ ಸಚಿವರು ತಿಳಿಸಿದ್ದಾರೆ. ಈ ಕಾರ್ಯಕ್ಕಾಗಿ ಸ್ಮಾರ್ಟ್ ಸಿಟಿ ಯೋಜನೆಯಿಂದ 5 ಕೋಟಿ ರೂ. ಅನುದಾನ ಈಗಾಗಲೇ ಮಂಜೂರಾಗಿದೆ. ಆದರೆ ರಾಷ್ಟ್ರೀಯ ಹೆದ್ದಾರಿಯ ಸ್ಥಳೀಯ ಅಧಿಕಾರಿಗಳಿಂದ ತಡೆ ಎದುರಾಗಿರುವುದರಿಂದ, ಕೆಂದ್ರ ಸರ್ಕಾರದ ಅನುಮತಿ ಅನಿವಾರ್ಯವಾಗಿದೆ. ಈ ಸಂಬಂಧ ಕೇಂದ್ರದ ಭೂಹೆದ್ದಾರಿ ಸಚಿವ ನಿತಿನ್ ಗಡ್ಕರಿ ಅವರಿಗೆ ಮನವಿ ಸಲ್ಲಿಸಲಾಗಿದೆ ಎಂದು ಅವರು ವಿವರಿಸಿದರು.
ಬೆಂಗಳೂರು–ತುಮಕೂರು ನಡುವೆ ನಮ್ಮ ಮೆಟ್ರೋ ಮತ್ತು ಸಬ್‌ಅರ್ಬನ್ ರೈಲುಗಳ ಮಾರ್ಗ ಸ್ಥಾಪನೆಯು ಪ್ರಯಾಣಿಕರಿಗೆ ಮಾತ್ರವಲ್ಲದೆ ಉದ್ಯಮಗಳಿಗೆ, ಕೈಗಾರಿಕಾ ವಲಯಗಳಿಗೆ, ಶೈಕ್ಷಣಿಕ ಸಂಸ್ಥೆಗಳಿಗೆ, ಮತ್ತು ಜಲವಾಯು ಸಮತೋಲನದ ದೃಷ್ಟಿಕೋನಕ್ಕೂ ಬಹುಮುಖ ಲಾಭಗಳಿಸುತ್ತೆ. ಇದು ರಾಜ್ಯದ ಒಳಗಡೆ ಅಭಿವೃದ್ಧಿಗೆ ಅತಿ ಮುಖ್ಯ ಚಾಲನೆ ನೀಡಬಲ್ಲ ಯೋಜನೆಗಳಲ್ಲಿ ಒಂದಾಗಿದೆ.
ಇದೇ ವೇಳೆ ಇತರ ಮೂಲಭೂತ ಯೋಜನೆಗಳು ಹಾಗೂ ಭದ್ರತಾ ವಿಚಾರಗಳ ಬಗ್ಗೆ ಚರ್ಚಿಸಿದ ಅವರು, ಕುಡಿಯುವ ನೀರಿನ ಯೋಜನೆಗಳು, ಹೇಮಾವತಿ ಕೆನಾಲ್ ಸಮಸ್ಯೆ, ಜಿಲ್ಲೆಯಲ್ಲಿ ಜಲವಿತರಣೆಯ ಅಭಿವೃದ್ಧಿ, ಮತ್ತು ಭದ್ರತಾ ಸಂಬಂಧಿತ ವಿಚಾರಗಳು ಸೇರಿದಂತೆ ಹಲವಾರು ವಿಷಯಗಳ ಕುರಿತು ಡಾ. ಪರಮೇಶ್ವರ್ ಪ್ರಸ್ತಾಪಿಸಿದ್ದಾರೆ.
ಒಟ್ಟಾರೆಯಾಗಿ, ತುಮಕೂರಿಗೆ ಮೆಟ್ರೋ ಮತ್ತು ಸಬ್‌ಅರ್ಬನ್ ರೈಲು ಬರುವ ವಿಚಾರವು, ಜಿಲ್ಲೆಯ ಪಾಲಿಗೆ ಮಾತ್ರವಲ್ಲದೆ ಕರ್ನಾಟಕದ ಭಾಗ್ಯಕ್ಕೂ ಹೊಸ ಅಧ್ಯಾಯಕ್ಕೆ ಚಾಲನೆ ನೀಡಬಹುದು. ಬೃಹತ್ ಕೈಗಾರಿಕಾ ವಲಯ, ಚುರುಕು ಜನಸಂಖ್ಯೆ, ಮತ್ತು ನವೀಕರಿಸುತ್ತಿರುವ ಮೂಲಭೂತ ಸೌಕರ್ಯಗಳ ಹಿನ್ನೆಲೆಯಲ್ಲೇ ಈ ಯೋಚನೆಯು ಹೊಸ ಬೆಳವಣಿಗೆಯಾಗಿ ಮೂಡಿಬರಲಿದೆ ಎಂಬ ನಿರೀಕ್ಷೆ ವ್ಯಕ್ತವಾಗಿದೆ.
ನ್ಯಾಯಾಧೀಶರ ಮುಂದೆ ಶರಣಾದ ಮಾಜಿ ಸಚಿವ ವಿನಯ್ ಕುಲಕರ್ಣಿ ಕೂಡಲೇ ಸಿಬಿಐ ವಶಕ್ಕೆ
